Ástarstjarnan og Systurnar sjö
13. apríl 2015
Þessa dagana skín ástarstjarnan Venus skært hátt á vesturhimni við sólsetur. Að undanförnu hefur hún átt stefnumót við Systurnar sjö eða Sjöstirnið í Nautinu og hefur sjónarspilið óneitanlega verið glæsilegt. Venus fer hækkandi á lofti og fjarlægist systurnar um leið.
Þessa fallegu mynd af Venusi og Sjöstirninu tók ljósmyndarinn Babak Tafreshi frá bænum Lich í Þýskalandi. Babak var nýlega staddur á Íslandi á vegum Stjörnuskoðunarfélags Seltjarnarness og nýtti að sjálfsögðu tækifærið til að mynda landið að nóttu til.
Mynd: © Babak Tafreshi, DreamView.net
Ummæli