Hubble skoðar vetrarbrautatvíeyki í tilefni 27 ára afmælisins
Sævar Helgi Bragason
20. apr. 2017
Fréttir
Ár hvert halda stjörnufræðingar upp á afmæli Hubble geimsjónauka NASA og ESA í geimnum. Í ár var sjónaukanum beint að tveimur þyrilvetrarbrautum
Ár hvert halda stjörnufræðingar upp á afmæli Hubble geimsjónauka NASA og ESA í geimnum. Í ár var sjónaukanum beint að tveimur þyrilvetrarbrautum, NGC 4302 og NGC 4298, sem eru í um 55 milljón ljósára fjarlægð frá Jörðinni í stjörnumerkinu Bereníkuhaddi.
Hubble geimsjónaukanum var skotið á loft hinn 24. apríl árið 1990 og hefur hann því verið 27 ár í geimnum. Sjónaukinn hefur bylt sýn okkar á alheiminn og tekið margar stórkostlegar ljósmyndir sem margar hverjar eru hreinustu listaverk.
Afmælismyndin 2017 er af þyrilvetrarbrautunum NGC 4302 og NGC 4298. William Herschel kom fyrstur manna auga á tvíeykið árið 1784 en það tilheyrir þyrpingu nærri 2000 vetrarbrauta sem kallast Meyjarþyrpingin.
NGC 4302 liggur á rönd og er örlítið minni en Vetrarbrautin okkar. NGC 4298 er enn smærri en lega hennar gerir það að verkum að hún virkar umfangsmeiri á myndinni.
Aðeins 7000 ljósár skilja á milli vetrarbrautanna. Þrátt fyrir það hefur engin augljós afmyndun átt sér stað í þeim vegna þyngdarkrafts sem verkar á milli þeirra.
Báðar stefna hraðbyri inn að miðju Meyjarþyrpingarinnar þar sem Messier 87, ein stærsta vetrarbraut sem vitað er um, lúrir.
Mynd: NASA, ESA
Hubble skoðar vetrarbrautatvíeyki í tilefni 27 ára afmælisins
Sævar Helgi Bragason 20. apr. 2017 Fréttir
Ár hvert halda stjörnufræðingar upp á afmæli Hubble geimsjónauka NASA og ESA í geimnum. Í ár var sjónaukanum beint að tveimur þyrilvetrarbrautum
Ár hvert halda stjörnufræðingar upp á afmæli Hubble geimsjónauka NASA og ESA í geimnum. Í ár var sjónaukanum beint að tveimur þyrilvetrarbrautum, NGC 4302 og NGC 4298, sem eru í um 55 milljón ljósára fjarlægð frá Jörðinni í stjörnumerkinu Bereníkuhaddi.
Hubble geimsjónaukanum var skotið á loft hinn 24. apríl árið 1990 og hefur hann því verið 27 ár í geimnum. Sjónaukinn hefur bylt sýn okkar á alheiminn og tekið margar stórkostlegar ljósmyndir sem margar hverjar eru hreinustu listaverk.
Afmælismyndin 2017 er af þyrilvetrarbrautunum NGC 4302 og NGC 4298. William Herschel kom fyrstur manna auga á tvíeykið árið 1784 en það tilheyrir þyrpingu nærri 2000 vetrarbrauta sem kallast Meyjarþyrpingin.
NGC 4302 liggur á rönd og er örlítið minni en Vetrarbrautin okkar. NGC 4298 er enn smærri en lega hennar gerir það að verkum að hún virkar umfangsmeiri á myndinni.
Aðeins 7000 ljósár skilja á milli vetrarbrautanna. Þrátt fyrir það hefur engin augljós afmyndun átt sér stað í þeim vegna þyngdarkrafts sem verkar á milli þeirra.
Báðar stefna hraðbyri inn að miðju Meyjarþyrpingarinnar þar sem Messier 87, ein stærsta vetrarbraut sem vitað er um, lúrir.
Mynd: NASA, ESA