Afskekktur útvörður Vetrarbrautarinnar
Þessi mynd Hubblessjónauka NASA og ESA sýnir litla og fjarlæga kúluþyrpingu sem finna má í einu minnsta stjörnumerki næturhiminsins, Höfrungnum. Sökum smæðar, mikillar fjarlægðar og tiltölulega lágrar yfirborðsbirtu fer NGC 7006 oft framhjá stjörnuáhugamönnum. En jafnvel fjarlægustu kúluþyrpingar, eins og þessi, koma skýrt fram á ljósmyndum Hubblessjónaukans.
NGC 7006 er í útjarði vetrarbrautarinnar. Hún er í um 135.000 ljósára fjarlægð eða sem nemur fimmfaldri vegalengd sólar frá miðju vetrarbrautarinnar og tilheyrir hún því vetrarbrautarhjúpnum. Hjúpurinn er kúlulaga svæði í kringum vetrarbrautinni sem samanstendur af hulduefni, gasi og kúluþyrpingum á víð og dreif.
Líkt og aðrar fjarlægar kúluþyrpingar veitir NGC 7006 stjörnufræðingum mikilvægar vísbendingar sem hjálpa okkur að skilja hvernig stjörnur mynduðust og söfnuðust saman í hjúpnum. Kúluþyrpingin sem hér sést er á mjög sporöskjulaga sporbraut sem bendir til þess að hún hafi myndast sjálfstætt í lítilli vetrarbraut og vetrarbrautin okkar hefur fangað.
Þótt NGC 7006 sé órafjarri af kúluþyrpingu í vetrarbrautinni okkar að vera er hún mun nær okkur en hinar fjarlægu vetrarbrautir sem sjá má í bakgrunni myndarinnar. Hver og einn þessara daufu ljósbletta býr líklega yfir mörgum kúluþyrpingum líkt og NGC 7006 sem eru of daufar til að sjást á þessari mynd, jafnvel fyrir Hubblessjónaukann.
Þessi mynd var tekin með Advanced Camera for Surveys á Hubblessjónaukanum og samanstendur af myndum teknar í sýnilegu og nær-innrauðu ljósi. Sjónsviðið þekur rúmlega 3x3 bogamínútur af himinhvolfinu.
Mynd: NASA/ESA og Hubble
Um fyrirbærið
-
Nafn: NGC 7006
-
Tegund: Kúluþyrping
-
Fjarlægð: 140.000 ljósár
-
Stjörnumerki: Höfrungurinn
Myndir
-
Upprunaleg stærð (.tif) 31 MB
-
Stór JPEG 6,5 MB
-
Skjástærð JPEG 510,9 MB
Ummæli