Horft til himins
31. október 2011
Á þessari fallegu mynd Hubblessjónaukans umlykja perlulaga þræðir stjörnuna IRAS 10082-5647. Þetta himneska ský er endurskinsþoka úr gasi og ryki sem lýsir vegna þess að hún endurvarpar ljósi frá stjörnunni í miðjunni, sem í þessu tilviki er ung Herbig-Ae/Be stjarna.
Stjarnan, líkt og fleiri af þessari gerð, er enn tiltölulega ung, aðeins nokkurra milljóna ára gömul. Hún er ekki enn komin á meginraðarskeiðið svonefnda, þar sem hún mun verja um 80% af æviskeiði sínu í að mynda orku úr bruna vetnis í kjarna sínum. Þangað til mun stjarnan framleiða hita með þyngdarhruni: Þegar efni stjörnunnar fellur inn á við, verður hún þéttari og við það myndast gríðarlegur þrýstingur sem framkallar frá sér mikinn hita.
Stjörnur verja aðeins um 1% af æviskeiði sínu á þessu for-meginraðarskeiði. Fyrr en síðar hefur stjarnan hitnað nógu mikið vegna þyngdarhrunsins til að vetnisbruni geti hafist og borið stjörnuna inn á meginröðina þar sem hún þroskast og fullorðnast.
Myndin af þessari fallegu endurskinsþoku IRAS 10082-5647 var tekin með Advanced camera for Surveys á Hubblessjónaukanum. Notaðar voru síur fyrir sýnilegt (555 nm) og nær-innrautt ljós (814 nm) og myndirnar litaðar bláar og rauðar. Sjónsviðið er aðeins um 1,3 x 1,3 bogamínútur.
Mynd: NASA/ESA og Hubble
Um fyrirbærið
-
Nafn: IRAS 10082-5647
-
Tegund: For-meginraðar stjarna
-
Stjörnumerki: Fönix
Myndir
-
Upprunaleg stærð (.tif) 9,7 MB
-
Stór JPEG 2,3 MB
-
Skjástærð JPEG 365,1 KB
Ummæli