SEASAT
-
SEASAT. Mynd: NASA/JPL
Geimfarið var hannað til að sýna fram á fýsileika gervitungla í að fylgjast með haffræðilegum fyrirbærum og hjálpa til við að ákvarða hvað þyrfti í gervitunglaklasa sem fylgdist með hafinu. Geimfarið átti að safna gögnum um vinda og hitastig við yfirborð sjávar, ölduhæð, vatn í lofthjúpnum og hafís.
SEASAT var stjórnað af Jet Propulsion Laboratory á vegum NASA. Því var skotið á loft þann 26. júní 1978 á nærri hringlaga braut í 800 km hæð.
SEASAT starfaði í 105 daga eða allt þar til skammhlaup í rafkerfi geimfarsins batt enda á leiðangurinn.