NGC 7009
-
Satúrnusarþokan (NGC 7009) er hringþoka í stjörnumerkinu Vatnsberanum. Mynd: NASA/ESA
| Tegund: | Hringþoka |
| Stjörnulengd: |
21klst 04mín 10,9s |
| Stjörnubreidd: |
-11° 21′ 48,25" |
| Fjarlægð: |
2.000-4.000 ljósár |
| Sýndarbirtustig: |
+12,8 |
| Stjörnumerki: | Vatnsberinn |
| Önnur skráarnöfn: |
Ensk-þýski stjörnufræðingurinn William Herschel uppgötvaði þokuna þann 7. september árið 1782 frá heimili sínu á Englandi.
Satúrnusarþokan dregur nafn sitt af líkindum við reikistjörnuna Satúrnus, þegar hringarnir sjást nokkur vegin á rönd. Rosse lávarður á Írlandi gaf þokunni þetta nafn upp úr 1840.
Í miðju Satúrnusarþokunnar er yfir 50.000 gráðu heit stjarna sem er um 20 sinnum bjartari en sólin okkar. Orkurík útfjólublá geislun frá henni jónar gasið í þokunni svo hún lýsir. Græna litinn má rekja til tvíjónaðs súrefnis.
Satúrnusarþokan er dauf og sést best í gegnum stóra áhugamannasjónauka. Hún er um einni gráðu vestur af stjörnunni Nu Aquarii.