Hubble skoðar virka þyrilþoku

9. janúar 2012

Þessa fallegu mynd af vetrarbraut í stjörnumerkinu Stórabirni tók Hubblessjónauki NASA og ESA. Hér sést NGC 3259 sem er björt bjálkaþyrilvetrarbraut í um 110 milljón ljósára fjarlægð frá jörðinni.

NGC 3259 er fullmynduð og virk vetrarbraut. Í miðju hennar er risasvarthol með mikla matarlyst sem skýrir það mikla ljós sem berst frá kjarnanum. Þegar svartholið gleypir efni í grennd við sig myndast orkurík geislun sem nær yfir allt rafsegulrófið, líka sýnilegt ljós.

Á myndinni sjást fagrir þyrilarmar vetrarbrautarinnar. Í þeim eru dökkar slæður úr gasi og ryki, staðir þar sem stjörnur verða til. Þessar björtu, ungu og heitu stjörnur eru í þyrpingum í þyrilörmunum og gefa vetrarbrautinni bláleitan blæ.

Athygli vekur að vetrarbrautin hefur förunaut sem sést vinstra megin á myndinni. Hún er mun minni og að öllum líkindum á sporbraut umhverfis NGC 3259. Í bakgrunni sést fjöldinn allur af vetrarbrautum sem auðvelt er að koma auga á vegna spörskjulögun þeirra. Þær eru sýnilegar í innrauðu ljósi og hafa verið litaðar rauðar á þessari mynd.

Mynd: NASA/ESA og Hubble

Um fyrirbærið

• Nafn: NGC 3259
• Tegund: Þyrilvetrarbraut
• Fjarlægð: 110 milljón ljósár
• Stjörnumerki: Stóribjörn

Myndir

• Upprunaleg stærð (.TIF) 15,3 MB
• Stór JPEG 3,3 MB
• Skjástærð JPEG 143,4 KB

Þysjanleg mynd

• Þysjanleg mynd

Tengt efni

• Hubblessjónaukinn
• Vetrarbrautir
• Hubblessjónaukinn á Stjörnufræðivefnum