ALMA horfir á sólina

Sævar Helgi Bragason 17. jan. 2017 Fréttir

Stjörnufræðingar hafa í fyrsta sinn tekið myndir af sólinni með ALMA sjónaukanum í Chile. Mælingar ALMA útvíkka tíðnisviðið sem stjörnufræðingar geta nú notað til að rannsaka sólina en til að skilja hana til hlýtar þarf að skoða hana yfir allt rafsegulrófið.

Myndirnar eru glæsilegar og leiða í ljós áður óséð smáatriði í dökkri afmyndaðri miðju sólbletts sem er nærri tvöfalt stærri að þvermáli en Jörðin. Myndir voru teknar á tveimur bylgjulengdum millímetrageislunar sem gerðu stjörnufræðingum kleift að skyggnast misdjúpt inn í lithvolf sólarinnar.

Hægt er að lesa meira í fréttatilkynningu hjá ESO .