Dagbók stjörnufræðikennara – Kennsluvika 2 – vor 2014

Um dagbókina

Hér er sagt frá einni kennsluviku í stjörnufræði við Menntaskólann í Reykjavík veturinn 2013-2014.

• Dagbókin í heild (allur veturinn)

IMAX-mynd og umfjöllun um Alþjóðlegu geimstöðina

Ég sýndi IMAX-mynd um smíði Alþjóðlegu geimstöðvarinnar. Nemendum finnst alltaf jafngaman að sjá geimfara svífa um í þyngdarleysi og kynnast því hvernig lífið er úti í geimnum. Í upphafi vetrar áður en ég sýndi IMAX-myndina um Hubblesjónaukann þá spurði ég nemendur út í það af hverju geimfararnir svífa um í þyngdarleysi. Ýmsar hugmyndir komu fram en ég benti þeim m.a. á að þyngdarkrafturinn frá jörðinni er nánast sá sami í 350 km hæð eins og hann er við yfirborð jarðar (fjarlægðin frá miðju jarðar er í báðum tilfellum um 6.500 km).

Hér að neðan eru tvö skemmtileg myndbönd úr Alþjóðlegu geimstöðinni:

• Chris Hadfield flytur Space Oddity í geimstöðinni

• Chris Hadfield vindur klút í geimstöðinni

• Nokkur myndskeið sem hafa verið tekin úr Alþjóðlegu geimstöðinni (ég sýndi fáein myndskeið í kennsluviku 14 á haustönn)

Mars

Ég fræddi nemendur um reikistjörnuna Mars og reyndi að flétta uppgötvanir Marsjeppa og geimfara inn í fyrirlesturinn. Ég sýndi nemendum nýlegar vefsíður með uppgötvunum nýja Curiosity jeppans á rauðu reikistjörnunni (eru ekki í glærusýningunni). Ég hefði samt getað varið miklu meiri tíma í að fjalla um Mars því af nógu er að taka!

• Glærusýning um Mars

• Vefsíða um Curiosity jeppann á Stjörnufræðivefnum

• Tölvugert myndband af lendingu Spirit og Opportunity

• Ýmis myndbönd sem tengjast Curiosity-jeppanum

Loftsteinar

Ég flutti fyrirlestur um loftsteina og kom með nokkra loftsteina sem ég og Stjörnuskoðunarfélag Seltjarnarness eigum.

• Glærusýning um loftsteina

• Upptaka úr lögreglubíl í Edmonton 2009 (Buzzard-Coulee loftsteinninn)

• Upptökur frá Chelyabinsk 2013 þegar lofsteinn splundraðist yfir borginni