Stjörnutalning og útilýsing
Stjörnutalning
Stjörnutalning fer þannig fram að skoðað er eitt eða fleiri stjörnumerki á himninum (t.d. Svanurinn eða Óríon&Nautið). Út frá því hve margar stjörnur sjást á þessu svæði má áætla heildarfjölda stjarna sem sjást á himninum.
-
VORIÐ 2014: UPPLÝSINGAR UM GLOBE AT NIGHT-STJÖRNUTALNINGUNA 20.-29. janúar & 19.-28. febrúar (dagar þegar tunglið lýsir ekki upp kvöldhimininn)
Settar hafa verið upp tvær vefsíður með almennum upplýsingum um stjörnutalningu:
Áhrif útilýsingar
Hér að neðan er mynd sem sýnir áhrif lýsingar að næturlagi. Myndin er samsett úr fjölda gervihnattamynda en áhenni sést hvernig ljós frá borgum og bæjum dreifast um jörðina. Orkunotkun hefur mikil áhrif á dreifingu útilýsingar. Þéttbýlissvæði í Norður-Ameríku, Evrópu og suðausturhluta Asíu eru mjög áberandi á myndinni. Hins vegar er lítið um útilýsingu á stórum, þéttbýlum svæðum (til dæmis í Afríku) vegna þess að íbúar hafa ekki aðgang að rafmagni. Smellið á myndina til þess að sjá hana í meiri upplausn.
 |
| Mynd samsett úr fjölmörgum myndum frá gervihnöttum sem sýnir jörðina að næturlagi. Smellið á myndina til þess að stækka hana. Mynd: NASA Earth Observatory. |
Staðan á Íslandi
Haustið 2013 kom út skýrsla starfshóps um myrkurgæði á Íslandi. Í skýrslunni er meðal annars farið yfir stöðuna í þessum málum á Íslandi og settar fram tillögur um hvernig hægt er að draga úr áhrifum lýsingar á næturhimininn.
Á Stjörnufræðivefnum er að finna bækling um áhrif útilýsingar á umhverfið og hvað hægt er að gera til þess að draga úr áhrifum hennar. Bæklingurinn ætti að reynast ágætur inngangur um þetta efni bæði fyrir almenning og nemendur í efri bekkjum grunnskóla og í framhaldsskóla.
Einnig má benda á mjög góða vefsíðu þar sem verkfræðingurinn Ágúst Bjarnasonar útskýrir ljósmengun.
Loks má benda á að leit á Google á ensku skilar ýmsum niðurstöðum um áhrif lýsingar á dýralíf og mögulega á heilsu fólks.