Tunglmyrkvi 28. september 2015

Tunglmyrkvi 28. september 2015

Almyrkvi á tungli 28. september 2015

  • Tunglmyrkvinn 28. september 2015. Mynd: Sævar Helgi Bragason
    Tunglmyrkvinn 28. september 2015. Mynd: Sævar Helgi Bragason

Þegar myrkvinn hófst var tunglið nokkurn veginn í suðri í stjörnumerkinu Fiskunum. Þegar myrkvanum lauk var tunglið nokkurn veginn í vestri og lægra á lofti.

Tunglmyrkvinn átti sér stað þegar tunglið var í jarðnánd (kl. 01:46), þ.e. á stærsta fulla tungli ársins 2015. Að þessu sinni var tunglið 4,7% stærra og 16% bjartara en að meðaltali. Fullt tungl í september er einnig stundum kallað „Uppskerumáni“.

Almyrkvinn 28. september var seinasti myrkvinn í fernd (fjórir almyrkvar á tungli í röð, hver á sex mánaða fresti). Aðrir myrkvar í ferndinni urðu 15. apríl 2014, 8. október 2014 og 4. apríl 2015. Enginn þeirra sást frá Íslandi.

1. Sýnileiki

Myrkvinn sást frá allri næturhlið Jarðar.

Tunglmyrkvi 28. september 2015
Sýnileiki tunglmyrkvans 28. september 2015. Mynd: Stjörnufræðivefurinn/Hermann Hafsteinsson (eftir F. Espenak)

2. Helstu tímasetningar

Almyrkvi á tungli 28. september 2015 from Stjörnufræðivefurinn on Vimeo.

Helstu tímasetningar tunglmyrkvans 28. september 2015
Helstu tímasetningar tunglmyrkvans 28. september 2015. Mynd: Stjörnufræðivefurinn/Hermann Hafsteinsson (eftir F. Espenak)

Atburður
Tímasetning m.v. Reykjavík*
  Tunglris
19:03
P1
Hálfskuggamyrkvi hefst
00:12
U1
Deildarmyrkvi hefst
01:07
U2
Almyrkvi hefst
02:11

Almyrkvi í hámarki
02:45
U3
Almyrkva lýkur
03:23
U4
Deildarmyrkva lýkur
04:21
P4
Hálfskuggamyrkva lýkur
05:22
  Tunglsetur
07:51

Tunglmyrkvinn stóð yfir í 5 klukkustundir og 10 mínútur. 

Almyrkvinn stóð yfir í 1 klukkustund og 12 mínútur.

Deildarmyrkvinn stóð yfir í 3 klukkustundir og 20 mínútur.

*Tímasetningar úr Almanaki Háskóla Íslands fyrir árið 2015.

3. Myndir

Tunglmyrkvi 28. september 2015 from Stjörnufræðivefurinn on Vimeo.

Tengt efni

Heimildir


- Sævar Helgi Bragason