NGC 2419
-
Kúluþyrpingin NGC 2419 í stjörnumerkinu Gaupunni. Mynd: Adam Block/Mount Lemmon SkyCenter/University of Arizona
| Tegund: | Kúluþyrping |
| Stjörnulengd: |
07klst 38mín 8,5s |
| Stjörnubreidd: |
+38° 52′ 54,9" |
| Fjarlægð: |
300.000 ljósár |
| Sýndarbirtustig: |
+9 |
| Stjörnumerki: | Gaupan |
| Önnur skráarnöfn: |
Caldwell 25 |
Ensk-þýski stjörnufræðingurinn William Herschel uppgötvaði þyrpinguna þann 31. desember árið 1788.
NGC 2419 er stundum kölluð „flakkarinn milli vetrarbrauta“ en það viðurnefni hlaut hún þegar menn töldu hana ekki á sporbraut um vetrarbrautina okkar. Hún er hins vegar á braut um vetrarbrautina og lýkur einni hringferð á um þremur milljörðum ára.
Þyrpingin er mjög dauf í samanburði við þekktari kúluþyrpingar eins og Messier 13. Aftur á móti er hægt að koma auga á hana við góðar aðstæður í gegnum meðalstóra stjörnusjónauka.