NGC 3628
| Tegund: | Þyrilvetrarbraut |
| Stjörnulengd: |
11klst 20mín 17s |
| Stjörnubreidd: |
+13° 35′ 23" |
| Fjarlægð: |
36 milljón ljósár |
| Sýndarbirtustig: |
|
| Stjörnumerki: | Ljónið |
| Önnur skráarnöfn: |
UGC 6350 |
Frá vetrarbrautinni liggur næstum 300.000 ljósára langur straumur úr ungum bláum stjörnum, svonefndur flóðhali sem sést vel á þessari mynd. Halinn myndast vegna þyngdartogs frá nágrannavetrarbrautunum.
NGC 3628 er daufasta vetrarbrautin í hópnum en sést samt sem áður nokkuð auðveldlega í gegnum litla áhugamannasjónauka. Hún sést leikandi í 6 tommu spegilsjónauka en með 8 tommu sést rykröndin sem liggur þvert í gegnum hana, eins og höfundur þessarar greinar hefur sannreynt. Rykröndin hylur bjarta miðsvæðið í vetrarbrautinni og stærstan hluta af björtu ungu stjörnuþyrpingunum í þyrilörmunum. Rykröndin hefur afmyndast af völdum þyngdartogs frá nágrannavetrarbrautunum.
Í júlí 2011 birti ESO glæsilega mynd af Ljónsþríeykinu sem tekin var með VST kortlagningarsjónaukanum og OmegaCAM myndavélinni.