Stjörnuskífa fyrir Ísland

Hér að neðan er hægt að ná í stjörnuskífu sem sýnir stjörnuhimininn yfir Íslandi ásamt leiðbeiningum.

• Stjörnuskífa fyrir Ísland

Leiðbeiningar um samsetningu skífunnar:

• Klippið út skífuna.
• Klippið út vasann eftir breiðu línunum (út að brún blaðsins).
• Brjótið saman vasann (eftir brotalínunum) í réttri röð. Brot 3 á að koma utan um brot 2.
• Heftið saman vasann fyrir skífuna (þar sem stendur „Hefta“).

Stingið skífunni í vasann. Hún er nú tlibúin fyrir stjörnuskoðunina. Til þess að nota hana þurfið þið að stilla saman rétta dagsetningu og tíma.

• Ath: Skífan sýnir ekki reikistjörnurnar (sem reika um himininn úr einu stjörnumerki í annað). Til þess að fá upplýsingar um þær þurfið þið stjörnufræðiforrit eða Stjörnukort mánaðarins fyrir Ísland.