Listi yfir björtustu stjörnur himins

Margar þessara stjarna eru tví- eða þrístirni (Kastor í Tvíburunum er meira að segja sexstirni). Þar sem þær eru svo langt í burtu sjáum við þær samt yfirleitt sem einn ljóspunkt og því leggst ljósafl allra stjarnanna í kerfinu saman. Undantekningin frá þessu er þrístirnið Alfa Centauri.

Lesendur taka vafalaust eftir því að bjartasta stjarnan er yfirleitt táknuð með fyrsta bókstaf gríska stafrófsins (alfa). Kemur það til af því að frá um 1600 hefur gríska stafrófið verið notað til þess að raða stjörnum í hverju stjörnumerki eftir sýndarbirtu eftir því hvað þær virðast bjartar. Það var ekki fyrr en í kringum aldamótin 1900 að stjarneðlisfræðin sleit barnsskónum. Þá gátu stjörnufræðingar metið fjarlægðir til stjarnanna og fundið út hvað þær voru bjartar í raun og veru (reyndarbirta og ljósafl).

	Stjarna	Stjörnumerki	Sýndarbirta	Reyndarbirta	Ljósafl (sól = 1)	Fjarlægð (ljósár)	Litrófsgerð	Ath.
	Sólin	13 í dýrahringnum	-26,74	+4,83	1	-	G2 V	Sést að degi til
1	Síríus	Stórihundi	-1,46	+1,42		8,6	A1 V
2	Kanópus	Kjölurinn	-0,72	-5,5		310	F0 ia
3	Alfa Centauri	Mannfákurinn	-0,27	+4,1		4,4	G2 V	Þrístirni
4	Arktúrus	Hjarðmaðurinn	-0,04	-0,3		37	K1,5 III
5	Vega	Harpan	0,03	+0,6		25	A0 V
6	Kapella	Ökumaðurinn	0,08	-0,5		42	G8 III G1 III	Tvístirni
7	Rígel	Óríon	0,12	-6,7		770	B8 Iab
8	Prókýon	Litlihundur	0,34	+2,7		11	F5 IV-V
9	Akernar	Fljótið	0,50	-2,8		140	B3 Vpe
10	Betelgás	Óríon	0,58	-5,1		640	M2 Iab
11	Hadar	Mannfákurinn	0,60	-4,6		530	B1 III
12	Altair	Örninn	0,77	+2,2		17	A7 V
13	Acrux	Suðurkrossinn	0,81	-4,1		320	B1 V
14	Aldebaran	Nautið	0,85	-0,6		65	K5 III
15	Spíka	Meyjan	1,04	-3,6		260	B1 IIV-IV B2 V
16	Antares	Sporðdrekinn	1,09	-5,3		600	M1,5 Iab-b
17	Pollux	Tvíburarnir	1,15	+1,1		34	K0 IIIb
18	Fomalhaut	Suðurfiskurinn	1,16	+1,7		25	A3 V
19	Deneb	Svanurinn	1,25	-7,0		1.550	A2 Ia
20	Becrux	Suðurkrossinn	1,30	-3,9		350	B0,5 IV
21	Regúlus	Ljónið	1,35	-3,9		77	B7 V
22	Adhara	Stórihundur	1,51	-4,1		430	B2 Iab
23	Kastor	Tvíburarnir	1,57	+0,5		50	A1 + A2
24	Gacrux	Suðurkrossinn	1,59	-0,6		88	M4 III
25	Shaula	Sporðdrekinn	1,62	-5		700	B1,5-2 IV

Alfa Centauri er þrístirni og er fjarlægðin mili tveggja björtustu stjarnanna að jafnaði rúmlega 20 stjarnfræðieiningar sem er svipað og fjarlægðin frá sólinni til Úranusar. Björtustu stjörnurnar tvær eru ekkert ósvipaðar sólinni að stærð og gerð.

Þriðja stjarnan í þrístirninu heitir Proxima Centauri. Proxima er nálægasta stjarnan við sólkerfið okkar í um 4,22 ljósára fjarlægð. Hún er rauður dvergur og svo dauf að hún sést ekki með berum augum. Það tekur hana tugþúsundir ára að ferðast umhverfis hinar tvær sem skýrist af því að Proxima er í um 0,2 ljósára fjarlægð frá hinum stjörnunum og sést raunar á allt öðrum stað í stjörnumerkinu Mannfáknum!