Endurjónun

Endurjónun

(e. reionization)

  • Vetrarbrautir á endurjónunarskeiði snemma í sögu alheims
    Vetrarbrautir á endurjónunarskeiði snemma í sögu alheims. Mynd: M. Alvarez, R. Khaeler og T. Abel

Um það bil 400.000 árum eftir Miklahvell (rauðvik z = 1.100) varð fyrsta breytingin á vetni í alheiminum. Þetta er svonefnd skilnaðarstund og markar það skeið í sögu alheims þegar efnisskeiðið tók við af geislunarskeiðinu. Þá hafði gasið í alheiminum kólnað nóg til þess að rafeindir og róteindir gætu bundist og myndað óhlaðin vetnisatóm.