Sjónaukinn hefur göngu sína á Stjörnufræðivefnum

Vefþáttaröð um stjörnufræði og stjörnuskoðun

Sævar Helgi Bragason 05. okt. 2012 Fréttir

Sjónaukinn, vefþáttaröð um stjörnufræði og stjörnuskoðun, hefur hafið göngu sína á Stjörnufræðivefnum. Fyrsti þátturinn fjallar um stjörnuhimininn í október

  • Sjónaukinn, vefvarp, vefþáttaröð, podcast, vodcast

Sjónaukinn, vefþáttaröð um stjörnufræði og stjörnuskoðun, hefur nú göngu sína á Stjörnufræðivefnum. Nýir þættir verða birtir einu sinni til tvisvar í mánuði en fyrsti þátturinn fjallar um stjörnuhimininn og nefnist Horft til himins í október.

Efnistök Sjónaukans verða jafn fjölbreytt og alheimurinn sjálfur. Yfir veturinn verður fjallað um stjörnuhimininn yfir Íslandi en þess á milli birtir fróðlegir þættir um allt frá sólkerfinu okkar til stjarna, svarthola og Miklahvells.

Í fyrsta þættinum er fjallað um það sem sjá má á stjörnuhimninum yfir Íslandi í október. Snemma í mánuðinum verður falleg samstaða Venusar, tunglsins og stjörnunnar Regúlusar í Ljóninu sem vert er að veita athygli. Einnig er sagt frá Sumarþríhyrningum, samstirni þriggja stjarna í Svaninum, Hörpunni og Erninum sem er áberandi á hausthimninum yfir Íslandi.

Þættirnir eru aðgengilegir á Stjörnufræðivefnum og Vimeo síðu Stjörnufræðivefsins í fullri háskerpu.

Framleiðendur eru Stjörnufræðivefurinn og Geimstöðin. Umsjónarmaður þáttarins er Sævar Helgi Bragason, einn af ritstjórum Stjörnufræðivefsins.

Sjáðu fyrsta þáttinn hér undir!

Sjónaukinn - 1. þáttur - Horft til himins í október from Stjörnufræðivefurinn on Vimeo.

Tenglar

Frekari upplýsingar

Tengiliðir

Sævar Helgi Bragason
Stjörnufræðivefurinn
E-mail: saevar@stjornuskodun.is
Sími: 896-1984

Andri Ómarsson
Geimstöðin
E-mail: andri@geimstodin.is
Sími: 867-8067

Tengdar myndir

  • Sjónaukinn, vefvarp, podcastSkjáskot úr fyrsta þætti Sjónaukans, Horft til himins í október. Mynd: Stjörnufræðivefurinn
  • Sjónaukinn, vefvarp, podcastSkjáskot úr fyrsta þætti Sjónaukans, Horft til himins í október. Mynd: Stjörnufræðivefurinn
  • Sjónaukinn, lógó, vefvarp, podcastMerki vefþáttaraðar Stjörnufræðivefsins, Sjónaukinn. Mynd: Stjörnufræðivefurinn/Jóna Dögg Sveinbjörnsdóttir