Mánudaginn 21. ágúst 2017 verður almyrkvi á sólu sjáanlegur frá Bandaríkjunum. Frá Íslandi sést lítilsháttar deildarmyrkvi um kvöldmatarleytið.
Mánudaginn 21. ágúst 2017 verður almyrkvi á sólu sjáanlegur frá Bandaríkjunum. Almyrkvinn gengur þvert yfir Bandaríkin, frá Oregon á vesturströndinni, þar sem hann hefst kl. 10:15 að staðartíma, til Suður-Karólínu á austurströndinni þar sem honum lýkur um 90 mínútum síðar. Þetta er í fyrsta sinn síðan árið 1918 að almyrkvi gengur þvert yfir Bandaríkin en seinast sást almyrkvi frá meginlandi Bandaríkjanna árið 1979.
Almyrkvaslóðin — það svæði þar sem almyrkvi sést — er aðeins um 100 km á breidd en undir henni býr meira en tólf milljónir manna og margar milljónir til viðbótar búa í fáeinna klukkustunda akstursfjarlægð. Því er búist við mikilli bílaumferð að morgni 21. ágúst inn í almyrkvaslóðina.
Áætlanir gera ráð fyrir því að allt að átta milljónir manna leggi leið sína þangað. Umferðin verður líklegast sínu verst í Suður-Karólínu þar sem þéttbýlast er á austurströndinni. Ennfremur er búist við gríðarmiklu álagi á símkerfum innan almyrkvaslóðans þegar fólk reynir að deila myndum og öðru efni á samfélagsmiðla.
Ég mun fylgjast með almyrkvanum frá Casper í Wyoming ásamt nokkrum öðrum Íslendingum. Þar hefst almyrkvinn kl. 11:42 að staðartíma og stendur yfir í 2 mínútur og 26 sekúndur.
Frá Íslandi sést lítilsháttar deildarmyrkvi. Í Reykjavík hylur tunglið aðeins 2,2% sólar en deildarmyrkvinn hefst kl. 18:21, er í hámarki kl. 18:44 og lýkur kl. 19:05. Nota þarf sólmyrkvagleraugu og/eða sólarsíu til að fylgjast með deildarmyrkvanum.
Staður
% deildarmyrkvi
Myrkvi hefst
Myrkvi í hámarki
Myrkva lýkur
Reykjavík
2,2%
18:21
18:44
19:05
Ísafjörður
1,95%
18:19
18:40
19:01
Akureyri
1,3%
18:23
18:42
19:00
Egilsstaðir
0,96%
18:26
18:43
18:59
Höfn
1,23%
18:27
18:44
19:02
Vestmannaeyjar
2,1%
18:23
18:45
19:07
Almyrkvar á sólu verða að meðtali á um 18 mánaða fresti einhvers staðar á Jörðinni. Hins vegar geta mörg hundruð ár liðið á milli þess að almyrkvar sjáist frá tilteknum stað. Til dæmis líða 593 milli almyrkva í Reykjavík (seinast árið 1433, næst árið 2026) en 1505 ár milli almyrkva á Akureyri (seinast árið 1469, næst árið 2974).
Ég hef verið á ferðalagi um Bandaríkin að undanförnu og geta áhugasamir séð fáeinar myndir á Instragram og Twitter.
Almyrkvi á sólu í Bandaríkjunum 21. ágúst — 2% deildarmyrkvi í Reykjavík
Sævar Helgi Bragason 16. ágú. 2017 Fréttir
Mánudaginn 21. ágúst 2017 verður almyrkvi á sólu sjáanlegur frá Bandaríkjunum. Frá Íslandi sést lítilsháttar deildarmyrkvi um kvöldmatarleytið.
Mánudaginn 21. ágúst 2017 verður almyrkvi á sólu sjáanlegur frá Bandaríkjunum. Almyrkvinn gengur þvert yfir Bandaríkin, frá Oregon á vesturströndinni, þar sem hann hefst kl. 10:15 að staðartíma, til Suður-Karólínu á austurströndinni þar sem honum lýkur um 90 mínútum síðar. Þetta er í fyrsta sinn síðan árið 1918 að almyrkvi gengur þvert yfir Bandaríkin en seinast sást almyrkvi frá meginlandi Bandaríkjanna árið 1979.
Almyrkvaslóðin — það svæði þar sem almyrkvi sést — er aðeins um 100 km á breidd en undir henni býr meira en tólf milljónir manna og margar milljónir til viðbótar búa í fáeinna klukkustunda akstursfjarlægð. Því er búist við mikilli bílaumferð að morgni 21. ágúst inn í almyrkvaslóðina.
Áætlanir gera ráð fyrir því að allt að átta milljónir manna leggi leið sína þangað. Umferðin verður líklegast sínu verst í Suður-Karólínu þar sem þéttbýlast er á austurströndinni. Ennfremur er búist við gríðarmiklu álagi á símkerfum innan almyrkvaslóðans þegar fólk reynir að deila myndum og öðru efni á samfélagsmiðla.
Ég mun fylgjast með almyrkvanum frá Casper í Wyoming ásamt nokkrum öðrum Íslendingum. Þar hefst almyrkvinn kl. 11:42 að staðartíma og stendur yfir í 2 mínútur og 26 sekúndur.
Frá Íslandi sést lítilsháttar deildarmyrkvi. Í Reykjavík hylur tunglið aðeins 2,2% sólar en deildarmyrkvinn hefst kl. 18:21, er í hámarki kl. 18:44 og lýkur kl. 19:05. Nota þarf sólmyrkvagleraugu og/eða sólarsíu til að fylgjast með deildarmyrkvanum.
Almyrkvar á sólu verða að meðtali á um 18 mánaða fresti einhvers staðar á Jörðinni. Hins vegar geta mörg hundruð ár liðið á milli þess að almyrkvar sjáist frá tilteknum stað. Til dæmis líða 593 milli almyrkva í Reykjavík (seinast árið 1433, næst árið 2026) en 1505 ár milli almyrkva á Akureyri (seinast árið 1469, næst árið 2974).
Ég hef verið á ferðalagi um Bandaríkin að undanförnu og geta áhugasamir séð fáeinar myndir á Instragram og Twitter.