Vetrarsólstöður 21. desember 2017
Sólargangur lengist á ný
Sævar Helgi Bragason
21. des. 2017
Fréttir
Fimmtudaginn 21. desember 2017 kl. 16:28 verða vetrarsólstöður á norðurhveli Jarðar. Sólin er þá syðst og lægst á himinhvolfinu, dagurinn stystur en nóttin lengst fyrir íbúa á norðurhveli
Fimmtudaginn 21. desember 2017 kl. 16:28 verða vetrarsólstöður á norðurhveli Jarðar. Sólin er þá syðst og lægst á himinhvolfinu, dagurinn stystur en nóttin lengst fyrir íbúa á norðurhveli. Á suðurhveli er þessu öfugt farið. Þar heldur fólk upp á sumarsólstöður.
Í Reykjavík rís sólin kl. 11:22 en sest kl. 15:29 svo fullrar birtu nýtur í rétt rúmar fjórar klukkustundir. Akureyri er nær heimskautsbaug svo þar er sólin klukkustund skemur á lofti. Þar rís hún ekki fyrr en kl. 11:38 og sest kl. 14:42. Sjá hér upplýsingar um sólargang .
Á myndinni hér undir sést dagur og nótt á vetrarsólstöðumínútunni 2017. Á norðurpólnum ríkir hrollköld heimskautanóttin allan sólarhringinn en á suðurpólnum er endalaus dagsbirta.
Möndulhalli Jarðar er ástæða þess að þetta gerist. Jörðin er ekki upprétt í geimnum, heldur hallar snúningsás hennar miðað við sólbauginn, flötinn sem hún ferðast eftir í kringum sólina. Hallinn sjálfur breytist ekki og þess vegna halla norður- og suðurhvel að og frá sólu til skiptis. Möndulhallinn veldur því að sólin er mishátt á lofti yfir árið. Þegar norðurhvel hallar að sólinni er sól hæst, í júní, en þegar norðurhvel hallar frá sólinni er sól lægst.
Munurinn á halla Jarðar við sumarsólstöður annars vegar og vetrarsólstöður hins vegar er mjög áberandi á þessum myndum frá DSCOVR gervitunglinu.
Vetrarsólstöður 21. desember 2017
Sólargangur lengist á ný
Sævar Helgi Bragason 21. des. 2017 Fréttir
Fimmtudaginn 21. desember 2017 kl. 16:28 verða vetrarsólstöður á norðurhveli Jarðar. Sólin er þá syðst og lægst á himinhvolfinu, dagurinn stystur en nóttin lengst fyrir íbúa á norðurhveli
Fimmtudaginn 21. desember 2017 kl. 16:28 verða vetrarsólstöður á norðurhveli Jarðar. Sólin er þá syðst og lægst á himinhvolfinu, dagurinn stystur en nóttin lengst fyrir íbúa á norðurhveli. Á suðurhveli er þessu öfugt farið. Þar heldur fólk upp á sumarsólstöður.
Í Reykjavík rís sólin kl. 11:22 en sest kl. 15:29 svo fullrar birtu nýtur í rétt rúmar fjórar klukkustundir. Akureyri er nær heimskautsbaug svo þar er sólin klukkustund skemur á lofti. Þar rís hún ekki fyrr en kl. 11:38 og sest kl. 14:42. Sjá hér upplýsingar um sólargang .
Á myndinni hér undir sést dagur og nótt á vetrarsólstöðumínútunni 2017. Á norðurpólnum ríkir hrollköld heimskautanóttin allan sólarhringinn en á suðurpólnum er endalaus dagsbirta.
Möndulhalli Jarðar er ástæða þess að þetta gerist. Jörðin er ekki upprétt í geimnum, heldur hallar snúningsás hennar miðað við sólbauginn, flötinn sem hún ferðast eftir í kringum sólina. Hallinn sjálfur breytist ekki og þess vegna halla norður- og suðurhvel að og frá sólu til skiptis. Möndulhallinn veldur því að sólin er mishátt á lofti yfir árið. Þegar norðurhvel hallar að sólinni er sól hæst, í júní, en þegar norðurhvel hallar frá sólinni er sól lægst.
Munurinn á halla Jarðar við sumarsólstöður annars vegar og vetrarsólstöður hins vegar er mjög áberandi á þessum myndum frá DSCOVR gervitunglinu.