Sjáðu Venus og tunglið saman á morgunhimninum 9. nóvember
Sævar Helgi Bragason
07. nóv. 2023
Fréttir
Fimmtudagsmorguninn 9. nóvember eiga Venus og tunglið, tvö skærustu fyrirbæri næturhiminsins, náið og glæsilegt stefnumót
Að morgni fimmtudagsins 9. nóvember 2023 verður sérstaklega glæsileg samstaða Venusar og tunglsins sjáanleg með berum augum í suðaustri. Í gegnum handsjónauka eða litla stjörnusjónauka er útsýnið sérstaklega glæsilegt.
Seinna sama morgun, þegar orðið er bjart að degi, má sjá Venus hverfa á bakvið tunglið. Líttu eftir því um klukkan 09:10 þegar tunglið byrjar að ganga fyrir Venus. Venus birtist svo aftur sjónum okkar rétt fyrir klukkan 10:00. Gott er að nota handsjónauka eða stjörnusjónauka til að fylgjast með því.
Tunglið og Venus séð með litlum handsjónauka fimmtudagsmorguninn 9. nóvember 2023.
Venus og tunglið mætast á himni í hverjum mánuði, ef bæði fyrirbæri eru á lofti. Þetta himneska stefnumót endurtekur sig því að morgni 9. desember næstkomandi. Þá verður bilið á milli þeirra reyndar mun meira.
Í byrjun janúar á næsta ári er Venus komin það lágt á loft að samstöðurnar sjást ekki lengur frá Íslandi.
Samstaðan á sér stað í Meyjunni. Þann 11. nóvember verður tunglið skammt frá Spíku, skærustu stjörnu Meyjarinnar. Tunglið verður þá örmjó sigð, aðeins 4% upplýst.
Tunglið og Spíka í Meyjunni að morgni 11. nóvember 2023
Taktu eftir því hve vel nóttin á tunglinu er upplýst þessa dagana. Þetta kallast jarðskin og er ljós sem speglast af Jörðinni og lýsir upp tunglið, rétt eins og fullt tungl lýsir upp nóttina á Jörðinni. Ef þú stæðir á tunglinu sæirðu að Jörðin er að verða full upplýst.
Tunglið er nýtt að morgni 13. nóvember og birtist því á kvöldhimninum eftir það. Mánudaginn 20. nóvember á tunglið stefnumót við aðra reikistjörnu, Satúrnus, á kvöldhimninum.
Föstudaginn 24. nóvember hittir tunglið fyrir Júpíter sem skín skærast á kvöldhimninum. Þau færast nær hvort öðru þegar líður á nóttina svo að morgni laugardagsins 25. nóvember verður bilið minnst á milli þeirra.
Miðvikudagsmorguninn 29. nóvember er röðin svo aftur komin að Venusi. Þá mætir hún Spíku í Meyjunni í mjög fallegri samstöðu.
Sjáðu Venus og tunglið saman á morgunhimninum 9. nóvember
Sævar Helgi Bragason 07. nóv. 2023 Fréttir
Fimmtudagsmorguninn 9. nóvember eiga Venus og tunglið, tvö skærustu fyrirbæri næturhiminsins, náið og glæsilegt stefnumót
Að morgni fimmtudagsins 9. nóvember 2023 verður sérstaklega glæsileg samstaða Venusar og tunglsins sjáanleg með berum augum í suðaustri. Í gegnum handsjónauka eða litla stjörnusjónauka er útsýnið sérstaklega glæsilegt.
Seinna sama morgun, þegar orðið er bjart að degi, má sjá Venus hverfa á bakvið tunglið. Líttu eftir því um klukkan 09:10 þegar tunglið byrjar að ganga fyrir Venus. Venus birtist svo aftur sjónum okkar rétt fyrir klukkan 10:00. Gott er að nota handsjónauka eða stjörnusjónauka til að fylgjast með því.
Tunglið og Venus séð með litlum handsjónauka fimmtudagsmorguninn 9. nóvember 2023.
Venus og tunglið mætast á himni í hverjum mánuði, ef bæði fyrirbæri eru á lofti. Þetta himneska stefnumót endurtekur sig því að morgni 9. desember næstkomandi. Þá verður bilið á milli þeirra reyndar mun meira.
Í byrjun janúar á næsta ári er Venus komin það lágt á loft að samstöðurnar sjást ekki lengur frá Íslandi.
Samstaðan á sér stað í Meyjunni. Þann 11. nóvember verður tunglið skammt frá Spíku, skærustu stjörnu Meyjarinnar. Tunglið verður þá örmjó sigð, aðeins 4% upplýst.
Tunglið og Spíka í Meyjunni að morgni 11. nóvember 2023
Taktu eftir því hve vel nóttin á tunglinu er upplýst þessa dagana. Þetta kallast jarðskin og er ljós sem speglast af Jörðinni og lýsir upp tunglið, rétt eins og fullt tungl lýsir upp nóttina á Jörðinni. Ef þú stæðir á tunglinu sæirðu að Jörðin er að verða full upplýst.
Tunglið er nýtt að morgni 13. nóvember og birtist því á kvöldhimninum eftir það. Mánudaginn 20. nóvember á tunglið stefnumót við aðra reikistjörnu, Satúrnus, á kvöldhimninum.
Föstudaginn 24. nóvember hittir tunglið fyrir Júpíter sem skín skærast á kvöldhimninum. Þau færast nær hvort öðru þegar líður á nóttina svo að morgni laugardagsins 25. nóvember verður bilið minnst á milli þeirra.
Miðvikudagsmorguninn 29. nóvember er röðin svo aftur komin að Venusi. Þá mætir hún Spíku í Meyjunni í mjög fallegri samstöðu.